Flokkun frá fyrirtækjum

Ómálað timbur frá framkvæmdum

Í flokkinn fer allt ómálað timbur og timbur sem ekki er plasthúðað.
Fúavarið timbur, sem ekki er með þekjandi fúavörn, og timbur með glæru lakki má einnig fara með sem og naglar, skrúfur og smærri áfastir málmhlutir.

Í flokkinn fer allt ómálað timbur og timbur sem ekki er plasthúðað.
Fúavarið timbur, sem ekki er með þekjandi fúavörn, og timbur með glæru lakki má einnig fara með sem og naglar, skrúfur og smærri áfastir málmhlutir.

Hvað verður um efnið

Efnið er kurlað í timburtætara móttöku- og flokkunarstöðvar SORPU í Gufunesi. Það gerir m.a. kleift að endurheimta málmhluti með vélrænni flokkun. Efnið er síðan notað sem kolefnisgjafi í framleiðslu kísilmálms.
Slík endurnýting á timbri er sú fyrsta sinnar tegundar í heiminum. Timbur er yfirleitt nýtt sem orkugjafi erlendis en virkjun endurnýjanlegra orkuauðlinda, og þar með vistvænni orkuframleiðsla hérlendis, gerir það að verkum að timbrið nýtist betur á þennan hátt. Þannig er bæði dregið úr innflutningi kola og urðun á lífrænum úrgangi.
Timbur er kolefnishlutlaust og notkun þess dregur þar með úr kolefnisspori Elkem um 14.000 tonn af koldíoxíði á ári. Þá má gera ráð fyrir að það að forða timbrinu frá urðun spari útblástur sem samsvarar yfir 4.000 tonnum af koldíoxíði á ári. Samanlagður ávinningur jafngildir því að leggja um 6.800 bílum. Kísilmálmur er m.a. nýttur við framleiðslu á rafmótorum í rafmagnsbílum og rafeindabúnaði í tölvum og símum.