Flöskumóttöku Endurvinnslunnar á endurvinnslustöð okkar á Breiðhellu verður lokað um áramótin. Síðasti opnunardagur verður 31. desember.
Lokunin er liður í hagræðingu hjá Endurvinnslunni. Jafnframt er unnið að undirbúningi nýrrar móttökustöðvar við Lambhagaveg, í samstarfi við SORPU, og að aukinni þjónustu í Austurhrauni.
Endurvinnslan bendir viðskiptavinum á móttökustöð sína í Austurhrauni 3 í Garðabæ:
„Í Austurhrauni er betri aðstaða bæði fyrir viðskiptavini og starfsfólk. Þar eru fleiri talningarvélar, sem stytta bið, töluvert fleiri bílastæði og opið alla daga vikunnar. Með því að efla stöðina í Austurhrauni getum við bætt þjónustuna og tekið vel á móti þeim viðskiptavinum sem hafa sótt þjónustu á Breiðhellu,“ segir Jón Óskar Hinriksson, framkvæmdastjóri Endurvinnslunnar.
Ekki eru uppi áform um að loka fleiri móttökustöðvum Endurvinnslunnar.
Við þökkum Endurvinnslunni fyrir gott samstarf á Breiðhellu ♻️💚