Fötum, skóm og klæðum er pakkað í textílflokkunaraðstöðu SORPU á Köllunarklettsvegi. Efnið er flutt til fataflokkunarstöðva í Danmörku og Þýskalandi þar sem það er flokkað í endurnot, endurvinnslu og afgangurinn í orkuvinnslu.

Hluti af efninu fer í endurnot og endurnýtingu til Góða hirðisins, nytjamarkaðs SORPU og eins til Rauða krossins og fleiri smærri aðila.

Slitið klæði nýtist einnig en það er endurunnið og úr því framleiddar tuskur og teppi, svo eitthvað sé nefnt. Allur textíll á því að fara í söfnunargáma fyrir textíl.