Föt, skór og klæði er pakkað í móttöku- og flokkunarstöð SORPU í Gufunesi. Efnið er flutt til fataflokkunarstöðva í Danmörku og Þýskalandi þar sem efnið er flokkað í endurnot, endurvinnslu og rest í orkuvinnslu.

Hluti af efninu fer í endurnot og endurnýtingu innanlands þar sem SORPA er í samstarfi við Rauða krossinn og fleiri smærri aðila um endurnot á textíl.

Slitið klæði nýtist einnig en það er endurunnið og úr því framleiddar tuskur og teppi, svo eitthvað sé nefnt. Allur textíll á því að fara í söfnunargáma fyrir textíl.