Nú er að fara af stað viðhald á nýju vinnslulínunni í móttöku-og flokkunarstöð SORPU sem stendur til sunnudagsins 13.desember.

Meðal þess sem verður gert er þétting á milli færibanda, flotun á gólfum til að fyrirbyggja söfnun vatns og sorps í polla, uppfærslur á færiböndum og uppfærsla á forriti stjórnkerfis og fleira.

Meðan þessi vinna fer fram er ekki tekið á móti sorpi frá sorphirðu í vinnslulínuna og er allt sorp því baggað og sent í Álfsnes til urðunar meðan á þessu stendur. Vindskiljan Kári er hluti af vinnslulínunni og verður sömuleiðis ekki í rekstri til 13. desember.

Íbúar í Garðabæ, Hafnarfirði, Mosfellsbæ og Seltjarnarnesi eru því beðnir um að henda ekki plasti í pokum með almenna sorpinu eins og venjulega meðan á þessu stendur, heldur fara með það í grenndargáma eða á endurvinnslustöðvar.

SORPA biðst velvirðingar á að þeim vandræðum sem þetta kann að valda.