Frá 1. janúar hækkar lágmarksgjald fyrir óflokkaðan úrgang úr 2.300 kr. í 2.950 kr. Hækkunin er til komin vegna samsvarandi hækkunar á móttökugjöldum sem endurvinnslustöðvarnar greiða fyrir blandaðan úrgang sem sendur er til urðunar og brennslu. Nánar má lesa um ástæður breytinganna hér .

Á sama tíma hækkar lágmarksgjald fyrir flokkuð efni úr 1.750 í 1.950 kr. Ástæða hækkunar er hækkandi kostnaðu við meðhöndlun á endurvinnsluefnum.

Kostnaður við að skila óflokkuðum úrgangi á endurvinnslustöðvar er því sem fyrr hærri en við að skila þangað flokkuðum endurvinnsluefnum. Í þessu felst hvati til minni sóunar og meiri flokkunar.

Sömu reglur gilda áfram á endurvinnslustöðvum um að heimilin losa gjaldfrjálst þau efni sem falla til við hefðbundið heimilishald og að fyrirtæki greiða fyrir flestar efnistegundir sem þau koma með inn á stöðvarnar.