Móttaka Endurvinnslunnar fyrir skilagjaldsskyldar umbúðir hjá SORPU Blíðubakka í Mosfellsbæ hefur verið lokað varanlega vegna endurbóta á lóðinni. Við bendum á næstu móttökustaði Endurvinnslunnar, Knarrarvog 4 og Grænum skátum, Hraunbæ 123 . Þá má einnig skila skilagjaldsskyldum umbúðum í gámum Grænna skáta sem staðsettir eru á öllum grenndarstöðvum í Mosfellsbæ.

Framkvæmdir við nýja endurvinnslustöð SORPU við Lambhagaveg eru hafnar og stefnt er að því að hún verði tekin í notkun næsta sumar. Hún verður öflugasta endurvinnslustöð SORPU, þar sem öryggi og þægindi gesta og starfsfólks er haft að leiðarljósi. Stefnt er að því að opna nýja móttöku þar fyrir skilagjaldsskyldar umbúðir með sjálfvirkum talningarbúnaði.

Við hlökkum til að bjóða öll velkomin í nýju, nútímalegu og notendavænu stöðina við Lambhagaveginn næsta sumar.

Takk fyrir að flokka!