EndurvinnslustöðinBlíðubakka

​Úrgangur skal vera flokkaður við skil á endurvinnslustöð í samræmi við móttökuskilyrði. Rúmmálsminnkun úrgangsins þýðir  lægri kostnað vegna gjaldskylds úrgangs, betri nýtingu gáma, minni akstur og minni umhverfisáhrif. Æskilegt er að farmar séu ekki stærri en 2 m³ til að tryggja flæði innan stöðvanna. Viðskiptavinum SORPU með stærri farma er bent á að nýta þjónustu móttöku- og flokkunarstöðvar í Gufunesi eða urðunarstaðarins í Álfsnesi.​

Gjaldskrá endurvinnslustöðva skilgreinir fyrir losun hvaða úrgangsflokka er innheimt gjald. Gjald miðast við stærð farms og er greitt eftir rúmmáli. Grunneining er 0,25 m³ og miðast lágmarksgjald fyrir gjaldskyldan úrgang við þá einingu. Gjaldið hleypur á 0,25 m³ (0,25 m³, 0,5 m³, 0,75 m³, 1 m³ o.s.frv.)

Gjaldskráin gildir fyrir fyrstu 2 m³ í hverri ferð. Fyrir magn umfram 2 m³ gildir eftirfarandi: 

Gjaldfrjáls úrgangur verður gjaldskyldur. Dæmi 3 m³ = 2 m³ x 0 kr. + 1 m³ x 6.600 kr. = 6.600 kr. 
Ef úrgangur er gjaldskyldur þá reiknast hver rúmmálseining umfram 2 m³ tvöfalt. Dæmi 3 m³ = 2 m³ x 6.600 kr. + 1 m³ x 13.200 kr. = 26.400 kr.

Athugið að úrgangur til urðunar ber hærra gjald, 8.640 kr/m^3. Það borgar sig því að flokka úrgang.

Á öllum endurvinnslustöðvum er hægt að kaupa rafrænt inneignarkort, athuga stöðu þess og fylla á það. ​