07. maí 2012
SORPA tekur þátt í ljósmyndaverkefni
SORPA tók þátt í skemmtilegu verkefnið með Sigurði Ólafi Sigurðssyni ljósmyndanema. Sigurður var að ljúka ljósmyndanámi við Tækniskólann í Reykjavík og ákvað að gera verkefni tengda þeirri hugmynd, hvað verður um sorpið sem þú hendir í ruslið heima hjá þér.
Safnaði hann saman viku skammti af rusli frá fjögurra manna fjölskyldu, og tók myndir af því. Hann litaði myndina til að sýna fram á hversu mikið af þessu gæti farið í endurvinnslu, næst sýndi hann fram á magnið sem er urðað í Álfsnesi. Markmiðið er að sýna fram á hversu miklu magni fólk er að henda sem það gæti verið að flokka og senda til endurvinnslu.
Hefur sýningin hangið uppi í Kringlunni undanfarnar tvær vikur.
Sjá nánar á Facebook síðu SORPU, http://www.facebook.com/Sorpa.is
