Um áramótin verður endurvinnslustöðinni við Bæjarflöt í Grafarvogi lokað. Afgreiðslutími á endurvinnslustöðvum við Ánanaust og Sævarhöfða í Reykjavík og Miðhrauni í Garðabæ verður styttur. Í kjölfar breytinganna verða stöðvarnar með sama afgreiðslutíma og stöðvar í Kópavogi, Mosfellsbæ og Breiðholti frá 12.30 - 19.30.

Það kostar sveitarfélögin á höfuðborgarsvæðinu um 320 milljónir króna á ári að reka endurvinnslustöðvar SORPU og eiga þessar aðgerðir að minnka kostnaðinn um 40 milljónir króna. Ákvörðun um þetta var tekinn af stjórn SORPU sem skipuð er fulltrúum sveitarfélaganna á stjórnarfundi 29. nóvember.