Upphæð styrkja Góða Hirðisins námu alls 10 milljónir í ár
Föstudaginn 19. desember veitti Góði hirðirinn, nytjamarkaðar SORPU og líknarfélaga, styrk til átta aðila. Mótast styrkveitingarnar í ár af þjóðfélagsástandinu hér á landi, eins og sjá má á ráðstöfunaróskum styrkveitanda. Að þessu
Markmið Góða hirðisins er að stuðla að endurnotkun, minnka sóun og láta gott af sér leiða, því ágóði af sölu í Góða hirðinum rennur til ýmissa góðgerðarmála. Gott samstarfs starfsmanna endurvinnslustöðva og Góða hirðisins við viðskiptavini okkar, sem bæði gefa notaða húsmuni til Góða hirðisins og versla í versluninni, gerir það að verkum að á hverju ári er hægt er að styrkja góð málefni.
Á endurvinnslustöðvum SORPU eru sérstakir nytjagámar þar sem fólk getur losað sig við gamla hluti sem enn hafa óskert notagildi. Þannig má forða hlutum með reynslu og sögu, frá endanlegri förgun og finna þeim nýtt hlutverk í nýju umhverfi hjá nýjum eigendum. Þessir hlutir fara svo í sölu hjá Góða hirðinum og stefnir í að árið 2008 fari rúmlega 800 tonn af munum í endurnotkun með þessum hætti.
Í Góða hirðinum má finna allt milli himins og jarðar. T.d. sófa, stóla, borð, skápa, þvottavélar, ísskápa og ýmis önnur raftæki. Einnig eru þar smærri hlutir á boðstólnum eins og bækur, plötur, leikföng, leirtau og ýmsir skrautmunir. Góði hirðirinn er staðsettur að Fellsmúla 28 og er opinn frá kl. 12.00 - 18.00 alla virka daga.
Forsvarsmenn þeirra aðila sem hlutu styrk að þessu sinni. Frá vinstri: Elísabet Valgeirsdóttir, Anne Marie Reinholdtsen, Jónas Þórisson, Helga Halldórsdóttir, Linda Skúladóttir, Guðlaug Jónína Aðalsteinsdóttir og Guðrún Bjprg Tómasdóttir.
