Einstök börn er stuðningsfélag barna með sjaldgæfa sjúkdóma og styður við bak foreldra þeirra og stuðlar að fræðslu um sjaldgæfa sjúkdóma. Allt starf í þágu félagsins er unnið í sjálfboðavinnu en sala korta, félagsgjöld og peningagjafir fjármagna rekstur þess. Þetta er í þriðja sinn sem Góði hirðirinn veitir styrk af þessu tagi en árið 1999 hlaut Þjónustusetrið styrk og árið 2000 var það Daufblindrafélagið. Húsbúnaður, sem skilað er í sérstakan nytjagám á endurvinnslustöðvum SORPU er seldur í Góða hirðinum og rennur hagnaður sölunnar til líknarmála.